InicioOrientalRibadeoAberta a Ponte de FEVE para o tráfico en Ribadeo

Aberta a Ponte de FEVE para o tráfico en Ribadeo

A concelleira de Obras, Mónica Freire, di que esta "é unha obra importante, que deu moito traballo e que estivo chea de complexidades, ven agora a mellorar a vida das persoas que viven na vila".

Publicada o

- Advertisement -

Hoxe quedou aberta ao tráfico a ponte de Feve, na estrada de Vilela, que foi obxecto dunha importante ampliación ao longo dos últimos meses.

A concelleira de Obras, Mónica Freire, sinalou que “desde o comezo deste mandato aló polo ano 2019 tanto desde o Concello como desde a Deputación de Lugo marcámonos o obxectivo de poder facer o arranxo desta estrada, unha débeda histórica que tiña a institución provincial para con Ribadeo e que finalmente, como todo o que funciona ben, con cooperación, traballo e lealdade entre institucións, podemos dicir que hoxe é unha realidade”.

A edil ribadense subliñou que “esta, que é unha obra importante, que deu moito traballo e que estivo chea de complexidades, ven agora a mellorar a vida das persoas que viven na vila, para os escolares, pero tamén para toda a xente das parroquias que empregan este acceso como principal para a entrada na vila”.

Freire Rancaño dixo que “todo o mundo vai notar un marabilloso cambio para ben. Será o caso das nenas e dos nenos que adestran no campo de fútbol da vía, que xa non terán que verse sometidos aos perigos e estreiteces dese vieiro e de falta de alumeado no inverno, e no caso dos peóns poderemos andar sen tanto perigo por este espazo”.

O investimento ascendeu a máis de 500.000 euros na reforma da estrada, que discorre paralela ao campo de fútbol Pepe Barrera, e da ponte aberta hoxe ao tráfico. Ata a Ponte de Feve se achegaron esta mañá o alcalde, Fernando Suárez, e os concelleiros de Obras, Medio Rural e Medio Ambiente, Mónica Freire, Marcos Villamil e Jorge Díaz.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...