A Asociación de Comerciantes, Industriais, Servizos e Autónomos (Acisa) de Ribadeo insiste en que os establecementos hostaleiros asociados poderán abrir tres horas máis na noite de fin de ano e unha hora máis en Reis.
O colectivo empresarial ribadense aclara deste xeito a confusión xerada por parte da Asociación Provincial de Empresarios de Hostelería de Lugo (Apehl), que comunicou a varios dos hostaleiros ribadenses que “Ribadeo quedaba á marxe das ampliacións horarias para fin de ano”.
SOLICITUDE
Acisa lembra que “en Ribadeo só os nosos asociados e grazas á ampliación horario que pedimos e que concedeu a Xunta de Galicia, aprobada tamén polo Concello de Ribadeo, os establecementos hostaleiros poderán abrir tres horas máis do que estipulan as súas licenzas, nunca superando as 8.00 horas”.
