A Consellería do Medio Rural deu por controlado o incendio da parroquia de Vilaselán, en Ribadeo, que queimou, aproximadamente, unha superficie dunha hectárea e orixinouse preto dunha depuradora.

O incendio forestal, que permanecía activo desde as 15,04 horas deste luns, quedou controlado ás 17,40 horas, segundo fontes da Consellería.

A superficie queimada estimouse en aproximadamente unha hectárea e na extinción traballaron un axente, tres brigadas e catro motobombas.