A Garda Civil, no marco dun punto de control de alcol e drogas na estrada N-640, no termo municipal de Ribadeo, localizou unha furgoneta que transportaba a once persoas no seu interior, cando a súa capacidade máxima é de nove, incluído o condutor.
“Estes dous pasaxeiros de exceso viaxaban sobre o colo doutros dous sen facer uso do preceptivo sistema de retención homologado, comprobándose que cinco ocupantes máis tampouco facían uso de dito sistema de retención”, explica a Benemérita.
Outra situación similar produciuse o pasado día 3 de abril, cando a Garda Civil sorprendeu, no termo municipal de Pedrafita do Cebreiro, a catro persoas que viaxaban na parte traseira dunha furgoneta, na zona reservada para a carga, sentados sobre o material que transportaban e sen facer uso do obrigatorio sistema de retención.