O Centro Integrado de Formación Profesional (CIFP) Porta da Auga, de Ribadeo, acolleu unha xornada sobre cerámica de gran formato Coverlam, que contou con 65 participantes. Foi unha actividade que se desenvolveu o pasado venres, organizada polo departamento de Edificación e Obra Civil do centro coa colaboración das empresas Grespania, Rubí e Construdeco.

O xefe do Departamento de Edificación e Obra Civil do CIFP Porta da Auga, José Méndez de Andés, comentou que se impartiu “unha formación innovadora e foi unha xornada na que os asistentes quedaron moi satisfeitos”.