Estes días seguen os traballos de poda do Concello de Ribadeo.

O alcalde, Dani Vega, dixo que “o Concello segue a realizar os traballos de poda polas distintas rúas de Ribadeo, baixo un criterio técnico e unha planificación correcta”.

Para o rexedor “a poda era necesaria, levábase tempo sen facer e nestes momentos estamos a actuar polas distintas rúas da nosa vila. Pouquiño a pouco paulatinamente imos realizando esa poda tan necesaria e que nos pedían os veciños”.

Nos últimos días os traballos realizáronse en Rosalía de Castro, Rodríguez Murias ou Virxe do Camiño, entre outras.