O Concello de Trabada solicitará unha subvención de concorrencia non competitiva para actuacións de corrección de impactos paisaxísticos destinadas a concellos de Galicia. Foi solicitada ao Instituto de Estudos do Territorio, pertencente á Consellería de Medio Ambiente, Territorio é Vivenda.

A Orde foi publicada o 15 de xaneiro, e o prazo de presentación de solicitudes comezaba onte, 16 de xaneiro, as 12:00 horas. A alcaldesa en funcións, Julia María Barcia, foi a responsable de presentar dita solicitude ás 12:04 horas.

O orzamento total da actuación necesaria ascende a 28.571,41 euros. Julia Maria Barcia asegura que “agardamos conseguir esta subvención, dado que puiden solicitar esta axuda en catro minutos dende a apertura do prazo establecido na orde”.

“Queremos continuar mellorando os locais en todas as parroquias e xa que temos unha planificación previa e os proxectos realizados puidemos solicitar dita axuda”, engade. Para solventar os problemas de humidade e filtracións detectados, proponse a renovación dos acabados existentes.

Prevese a desmontaxe das lousas da cuberta existente e a revisión do entablado de base. Renovarase parcialmente con madeira de castaño e sobre esta formación de pendentes colocarase unha lámina impermeabilizante. A cubrición será de lousa de pizarra similar á existente, seguindo as indicacións da Guía de Cor e Materiais de Galicia.