Os veciños dun edificio do municipio lucense de Ribadeo desaloxaron por precaución un edificio situado na rúa Virxe do Camiño tras declarase un incendio nunha das vivendas do inmoble.

Segundo informou o 112, non houbo que lamentar danos persoais e foi un particular o que ao fío das 13,00 horas deste sábado deu a voz de alarma e explicou que un piso estaba involucrado nun incendio e no seu interior había unha bombona de butano. A central de emerxencias mobilizou aos Bombeiros de Barreiros, á Garda Civil, á Policía Local e aos membros de Protección Civil de Ribadeo.