O Centro Integrado de Formación Profesional Porta da Auga, de Ribadeo, oferta prazas no Ciclo Medio de Instalacións Eléctricas e Automáticas, que ten un unha gran demanda laboral en moitas empresas. Pero se non se conseguise alumnado suficiente esta formación deixaría de ofrecerse neste centro ribadense no vindeiro curso.

O director do centro, Isidro Berdeal, explica que esté é un ciclo que ten unha gran demanda por parte do tecido empresarial da comarca pero “agora mesmo temos moi pouco alumando interesado en cursalo, co conseguinte risco de que quede suprimido da oferfa educativa”, recalca o director.

Os requisitos para acceder a este ciclo son ter unha titulación de Secundaria, ter superada a proba de acceso a ciclos medios ou ter estudos superiores a estes. Ademais, no CEIP Porta da Auga tamén se oferta a posibilidade de continuar estes estudos cun ciclo superior da mesma especialidade. A xente que estea interesada pode presentar a solicitude ata este venres, 30 de xullo.