A concelleira de Obras, Mónica Freire, explicou que “o proxecto supuxo a instalación de 7 novas luminarias de tecnoloxía led de 60 vatios”.

A zona contaba con alumeado moi limitado e con estas actuacións quíxose cambiar de lado a súa instalación. “Antes estaba no lado esquerdo da rúa e con esta obra quedou situado na parte dereita, sobre a beirarrúa”.

Freire Rancaño lembrou que “os traballos deron comezo o pasado mes de setembro. A rúa Picarolas estivo pechada ao tráfico uns días, polo que pedimos de novo desculpas á veciñanza polos prexuízos causados, pero toda obra sempre implica algunha que outra complicación”. A edil ribadense engadiu que “o orzamento para esta actuación foi de 22.500 euros”.