Os baños da praias das Catedrais estarán abertos desde este sábado, 9 de abril, ata o vindeiro 18 de abril. Así o anunciou este venres o concelleiro de Medio Ambiente, Jorge Díaz Freije. O edil subliñou que se trata dun servizo “modélico” que estará operativo sete horas e media cada xornada.
O prezo será o mesmo do último ano, un euro, “o que permite ter todo limpo, cunha persoa que está alí todos os días durante 8 horas, das que 7 horas e media ten os baños abertos ao público e o outra media dedícaa a deixalo todo preparado para o día seguinte”, dixo o edil.
Jorge Díaz aproveitou para pedir respecto co entorno natural das Catedrais e do resto do concello. “Agardamos que toda esta morea de xente que ven gozar desta fermosa praia que coide o entorno, que depositen os residuos que xeren nos contedores que hai habilitados xunto ao areal e na zona de aparcamento”, salientou.