Morre un home tras sufrir un accidente laboral en Ribadeo

Caeu mentres traballaba nun edificio.

Ambulancia. EFE/ELISEO TRIGO

Un home faleceu na tarde do venres no Hospital de Burela despois de sufrir unha caída cando traballaba nun edificio do municipio de Ribadeo.

Segundo informa o 112 Galicia a Europa Press, a primeira chamada de alerta deuna un particular pasadas as 18,00 horas, para solicitar asistencia sanitaria para este home que levara un golpe na cabeza no número 5 da rúa Buenos Aires.

Seguidamente, a central de emerxencias avisou do ocorrido á Garda Civil e á Policía Local. Foron os corpos de seguridade os que, posteriormente, indicaban ao 112 que se trataba dun posible accidente laboral.

Os servizos de Urxencias Sanitarias-061 desprazados ata o lugar practicáronlle manobras de reanimación e trasladárono aínda con vida ata o Hospital de Burela. Con todo, acabou falecendo neste centro sanitario, tal e como confirman a Europa Press fontes do operativo.

RESPOSTAR

Please enter your comment!
Please enter your name here