Os servizos de Urxencias Sanitarias de Galicia-061 tiveron que evacuar a unha muller que foi rescatada inconsciente dun incendio rexistrado na súa casa, no concello lucense de Ribadeo. Segundo informa o 112 Galicia, ocorreu en rúa Pai Sarmiento pasados uns minutos das 21,30 horas do venres, cando un particular contactou coa central de emerxencias para pedir axuda porque ardía unha casa e estaban a sacar a unha persoa inconsciente. Seguidamente, o 112 pasou aviso ao 061 e aos bombeiros de Barreiros, á vez que informou á Policía Local e a Protección Civil de Ribadeo. De acordo coa información solicitada, o lume puido iniciarse nunha tixola e os bombeiros, tras chegar ao lugar e finalizar coas tarefas de extinción, procederon a ventilar a vivenda.