InicioM.ambiente e PatrimonioOs turistas volven converter As Catedrais no seu xoguete particular

Os turistas volven converter As Catedrais no seu xoguete particular

O alcalde de Ribadeo pídelle á Xunta que controle máis a práctica de facer milladoiros na praia.

Publicada o

- Advertisement -

O alcalde, Fernando Suárez, ven de dirixirlle un escrito ao Servizo de Conservación da Natureza da Xunta para que tome as medidas necesarias encamiñadas a evitar o amoreamento de pedras que os visitantes están a realizar na praia das Catedrais.

Nesa carta o rexedor lembra que xa o pasado ano xa se queixara pola mesma práctica e suliña que As Catedrais é un espazo natural protexido, cuxo acceso está a ser controlado pola Xunta de Galicia. “O ano pasado a través do persoal, tanto municipal como autonómico presente na praia, conseguírase controlar este tipo de comportamento, pero á vista da actual situación, compre realizar un reforzo”, dixo.

Suárez Barcia suliñou que o concello xa lle pediu novamente aos socorristas que, na medida do posible, lle trasladen aos usuarios deste espazo a prohibición de seguir con esta práctica, “aínda que isto non forma parte do seu cometido”. Por iso, insistiu en que sexa o Servizo de Conservación da Natureza da Xunta o que tome as medidas que consideren necesarias para corrixir esta problemática, a través dos seus axentes medio ambientais, carteis ou información do persoal regulador do acceso á praia.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...