A alcaldesa en funcións de Ribadeo, Mónica Freire, apunta que a altura do mastro, o mar picado e a preamar “parecen estar detrás da traxedia” que acabou coa vida dun mozo electrocutado mentres navegaba pola desembocadura do Río Grande.
En todo caso, aclara que hai unha investigación aberta por parte da Garda Civil. “Eu recibín unha chamada do 112 na que me informan do accidente dun veleiro no que ían tres persoas e que unha estaba ferida. Ese rapaz que resultou electrocutada foi atendido nun primeiro momento en Castropol e despois derivado ao Hospital de Jarrio, onda na puideron facer por salvarlle a vida”, engadiu.
En todo caso, a rexedora en funcións desta que “lamenta moito o sucedido” e que o consistorio xa lle trasladou o pesar á familia e ás amizades do falecido.
A embarcación, que navegaba entre o límite de Galicia e Asturias, á altura das vías do tren, era habitual da zona, pois a familia, a pesar de vivir en Navarra, “é moi coñecida no concello porque teñen aquí, en Ribadeo, a súa segunda residencia”. A nacionalista asegura que os outros dous tripulantes están ben e se atopan fóra de perigo.
