O Día do Produto Local de Ribadeo achegará produtos de proximidade no Mercado dos Domingos

Coa celebración do Día do Produto Local quérese resaltar a gran importancia de comprar e consumir produtos de proximidade.

Un posto do Mercado dos Domingos ribadense. MERCADO DOS DOMINGOS

O Día do Produto Local de Ribadeo celebrarase este domingo 11 de setembro dentro do Mercado dos Domingos. O obxectivo é “poñer en valor a compra e consumo dos produtos de proximidade”. O concelleiro de Desenvolvemento Local, Pablo Vizoso, explicou que ademais da venda directa de produtos locais haberá tamén actividades para todos os públicos.

Entre os eventos programados haberá unha exposición da man do CEFEA Pedro Murias sobre as variedades de tomates, pementos e cabazas cultivadas cos que se preparará unha degustación. Outra actividade será aprender máis sobre cultivos e coidados que ser fará nun mini-horto. A música tamén estará presente no Día do Produto Local “para animar a xornada con ritmo de country e folk norteamericano da man de Hoot´n Holler”.

Vizoso Galdo subliña que coa celebración do Día do Produto Local “quérese resaltar a gran importancia de comprar e consumir produtos de proximidade, que ademais de aportarnos unha alimentación saudable é unha maneira de contribuír a incrementar a sostibilidade e o desenvolvemento da nosa contorna”.

 

RESPOSTAR

Please enter your comment!
Please enter your name here