InicioOrientalRibadeoO Mercado dos Domingos de Ribadeo de 2022 pechará o 9 de...

O Mercado dos Domingos de Ribadeo de 2022 pechará o 9 de outubro cun obradoiro de cociña

O concelleiro de Desenvolvemento Local explicou que “durante esta xornada de fin de festa poderemos participar desde as 11.30 da mañá dun obradoiro de cociña de produtos da horta, que impartirán As Ribeiregas e pecharemos con música no mercado entorno ás 13.30 horas cos artistas convidados Amoebo, Daiv e Rio".

Publicada o

- Advertisement -

O Mercado dos Domingos pecha a temporada de 2022 o vindeiro 9 de outubro. Esa xornada haberá un obradoiro de cociña con produtos da horta, tapas nalgún dos locais da contorna da praza de abastos e música. As actividades foron presentadas polo concelleiro de Desenvolvemento Local, Pablo Vizoso.

O edil ribadense contou que “o mercado dos Domingos de Ribadeo chega ao seu fin de tempada. Este mercado dunha longa traxectoria é xa unha cita obrigada para moitas persoas de Ribadeo e da nosa comarca, que atopan nel produtos ecolóxicos e de proximidade coma queixos, pan, doces, embutidos, cervexa artesanal, setas, zumes, marmeladas e moitos outros produtos de artesáns e variados da nosa zona”.

Vizoso Galdo dixo: “o Mercado dos Domingos pode considerarse como un dos principais escaparates da Mariña de produtos locais elaborados no noso territorio e que na mañá deste domingo, 9 de outubro, celebrará o fin de festa pechando así esta temporada de 2022. Os 15 produtores e produtoras que conforman este mercado se despiden del, pero continúan o seu traballo día a día producindo para aqueles consumidores e aquelas persoas que desexen seguir comprando produto local, alimentos saudables e axudando ao noso territorio con prezos dignos para produtores”.

O concelleiro de Desenvolvemento Local explicou que “durante esta xornada de fin de festa poderemos participar desde as 11.30 da mañá dun obradoiro de cociña de produtos da horta, que impartirán As Ribeiregas e pecharemos con música no mercado entorno ás 13.30 horas cos artistas convidados Amoebo, Daiv e Rio. Ademais durante a mañá poderemos gozar de tapas da horta nalgún dos locais da contorna da praza de abastos”.

Pablo Vizoso engadiu: “para o Concello de Ribadeo, en colaboración coa asociación A Sucadoira, esta iniciativa do Mercado dos Domingos é de grande importancia porque axuda á creación de emprego, ao desenvolvemento rural, ao coidado do medio, e ao mesmo tempo se fomenta a cultura e ocio gastronómico, san, de calidade e digno para as persoas produtoras”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...