O incendio que afecta o municipio de Trabada (Lugo) permanece activo, segundo informaron fontes da Consellería de Medio Rural, e xa son máis de 160 as hectáreas calcinadas polo lume, que obrigou a decretar a ‘situación 2’ de alerta pola proximidade a núcleos de poboación.

Medio Rural comunicou á primeira hora deste venres que ese incendio, que obrigou a cortar a autovía A-8 entre os quilómetros 508 e 524, mobilizou ata agora a 5 técnicos, 14 axentes forestais, 25 brigadas, 23 motobombas e 3 pas, así como 5 unidades técnicas de apoio, un tractor, 6 avións e tres helicópteros.

Así mesmo, a estimación de superficie afectada polas chamas supera as 160 hectáreas. A consellería tamén confirmou que hai activos outro catro incendios en Galicia na mañá deste venres: en Foz (70 hectáreas), Chantada (80 hectáreas), Lobeira (80 hectáreas) e Vilariño de Conso (160 hectáreas).