O socialista Rubén García Freije tomou posesión este venres como novo alcalde de Trabada tras a marcha da que era rexedora, Mayra García, para concorrer como número tres do PSdeG pola provincia de Lugo ás próximas eleccións autonómicas.

Ao acto, ademais da exalcaldesa, asistiu o presidente da Deputación de Lugo, José Tomé, quen desexou sorte e éxitos ao novo rexedor nesta nova etapa, na que continuará co proxecto liderado por Mayra García “cunha firme aposta polos servizos públicos para xerar dinamismo social e económico”.

Ao acto, ademais, asistiron numerosos veciños e veciñas.