O municipio de Trabada foi elexido para instalarse por unha empresa creada recentemente: 88 Living Projets, que se dedica ao deseño, rehabilitación e compra-venda de vivendas rústicas en Galicia e Asturias.
O creador e xerente de 88 Living Projects, David Lozano explica que na súa empresa o que fan é comprar vivendas en aldeas abandonadas e fan un proxecto de rehabilitación para que o cliente se faga un idea de como quedaría a vivenda despois das obras. “Ofrecémoslle ao cliente unha vivenda sen que teña que preocuparse de nada. Nós ocupámosnos de todo”, indica Lozano.
O creador tamén engade que traballan sobre todo na Mariña lucense e no Occidente asturiano e comenta que decidiu localizar a empresa en Trabada porque “compramos unha vivenda para nós e cando nos puxemos a pedir presupostos a contratistas para rehabilitala comprobamos que as constructoras da zona estaban moi ocupadas”.
Lozano destaca que, se o comprador quere, eles ocúpanse de todos os trámites que sexan necesarios facer cas administracións para restaurar a casa, que “en algúns casos son moitos e complicados, como comprobamos en primeira persoa cando solicitamos os permisos para rehabilitar a nosa casa de Trabada”.
Noraboa para quen emprende no rural galego… Ogallá a Conselleira de Vivenda tivese tempo para ler este Proxecto de Reconstrución de Galicia que durme no caixón https://i.gal/gam25
Esta empresa sería unha das que terían encaixe na Recuperación do Rural Galego !