InicioOrientalTrabadaTrabada investirá o Plan Único da Deputación para investimentos, emprego e actividades...

Trabada investirá o Plan Único da Deputación para investimentos, emprego e actividades culturais

Ademais, un total de 22.040 euros se destinarán ao Servizo de Axuda no Fogar (SAF), o que permite ao concello atender aos veciños e veciñas maiores que non teñen valorada ou recoñecida a dependencia por parte da Xunta.

Publicada o

- Advertisement -

O Concello de Trabada aprobou nunha xunta de goberno local as obras e servizos incluídos no Plan Provincial Único de Cooperación cos Concellos 2022 da Deputación de Lugo, que suporán un investimento de máis de 260.000 euros.

As obras que se realizarán son a rexeneración do pavimento dos accesos a Vilafernando, Pacios, O Acevedo e Vilaformán–Vilapena (79.596,72 euros), e a reforma dos vestiarios do pavillón polideportivo da parroquia de Sante (97.287,62 euros).

Un total de 22.040 euros se destinarán ao Servizo de Axuda no Fogar (SAF), o que permite ao concello atender aos veciños e veciñas maiores que non teñen valorada ou recoñecida a dependencia por parte da Xunta, porque en moitas ocasións tardan un ano entre que os valoran e lles asignan o recurso (o que supón que mentras tanto non se poidan atender cando necesitan o servizo). Desta forma, o concello pode dar unha resposta áxil aos maiores e en cuestión de días prestarlles o servizo e atendelos.

En canto ao programa de fomento do emprego, haberá unha achega de 53.313,30 euros para a contratación de persoal de administración e servizos urbanísticos, ao igual que en anos anteriores. Como novidade, este ano tamén se contratará un técnico de turismo a media xornada para a oficina de turismo, situada no recentemente inaugurado Centro Etnográfico “Xosé Rocha”.

Por último, Trabada recibirá 6.437,15 euros para a realización durante o ano de actividades culturais como concertos musicais, teatro e cine na rúa.

“As obras dan resposta ás demandas veciñais e ao noso obxectivo de renovar os servizos básicos e as infraestruturas do concello de forma continua”, explica a alcaldesa de Trabada, Mayra García Bermúdez, que lembra que “as administracións locais estamos en primeira liña de atención aos veciños, de aí a necesidade tamén de reforzar o gasto social e de xerar emprego que garanta os servizos no rural”.

A alcaldesa valora de forma moi positiva esta forma de cooperación cos concellos da Deputación, “pois xa a inicios de ano sabemos cal é a achega da Deputación aos concellos, o que supón que efectivamente poidamos executar os proxectos que presentamos”, a diferencia da Xunta, “que establece convocatorias de axudas e hai que agardar meses para que resolva a súa concesión ou denegación, o que supón que no mellor dos casos, coa concesión das axudas se retrasen as execucións dos proxectos, ou no caso de denegar as axudas que despois de pasar o traballo de facer a solicitude e de efectuar o gasto da redacción dos proxectos, non se poidan levar a cabo as actuacións pola falta de colaboración”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...