InicioOrientalTrabadaSubvención para Trabada que permitirá mellorar o treito do Camiño de Santiago...

Subvención para Trabada que permitirá mellorar o treito do Camiño de Santiago que une o concello con Porto do Malle

A actuación consistirá na rexeneración do pavimento no tramo, de 775 metros e un ancho de catro metros, a limpeza de cunetas e o acondicionamento da zona da fonte.

Publicada o

- Advertisement -

O Concello de Trabada conseguiu unha subvención da Xunta de Galicia para acometer un proxecto de mellora e embelecemento do entorno do Camiño de Santiago entre o municipio e unha fonte de gran valor para os veciños situada nas inmediacións de Porto do Malle.

O procedemento elixido polo goberno autonómico para a convocatoria, outorgando as axudas por orde de chegada das mesmas e abrindo o prazo de solicitude a medianoite, obrigou unha vez máis á alcaldesa de Trabada, Mayra García Bermúdez, a tramitar persoalmente a petición da subvención.

A actuación consistirá na rexeneración do pavimento no tramo, de 775 metros e un ancho de catro metros, a limpeza de cunetas e o acondicionamento da zona da fonte.  Estaba prevista tamén a colocación dun banco e unha papeleira no entorno da fonte, pero a Dirección Xeral de Patrimonio Cultural, dependente da Xunta de Galicia, non o autorizou no seu informe preceptivo. As obras teñen un orzamento de 20.000 euros e a subvención é de 15.000 euros, asumindo o concello a diferenza.

“Para o Concello de Trabada, o Camiño de Santiago é unha oportunidade, por iso creamos un pequeno albergue municipal na planta baixa da antiga escola de Sante coa colaboración da Deputación Provincial e temos que aproveitar o seu impacto, polo que esta actuación é moi necesaria”, explica García Bermúdez.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...