InicioOrientalTrabadaTrabada consegue 20.000 euros dunha subvención para labores de reparación na Casa...

Trabada consegue 20.000 euros dunha subvención para labores de reparación na Casa do Concello

“Tratábase unha vez máis dunha convocatoria en concorrencia non competitiva; neste caso abríase o prazo ás 12:00 horas e fumos os primeiros en tramitala, xa que o noso expediente é o primeiro, indo de camiño para Fitur e a pesares de que a sede electrónica non funcionaba correctamente”, lembra a alcaldesa de Trabada, Mayra García.

Publicada o

- Advertisement -

O Concello de Trabada conseguiu unha nova subvención, neste caso de 20.000 euros, para pintar, reparar as humidades e selar as fendas e irregularidades da fachada da casa do concello.

A convocatoria das axudas, do Instituto de Estudos do Territorio da Consellería de Medio Ambiente, Territorio e Vivenda da Xunta de Galicia, estaba destinada á reparación de fachadas de edificios públicos.

Unha vez máis, foi a propia alcaldesa de Trabada, Mayra García Bermúdez, a que considerou idónea esta convocatoria para o concello e a que encargou a realización da memoria técnica presentada. “Nestes casos é cando se comproba que somos un goberno que planifica, que ten proxectos e que, en definitiva, traballa con previsión”, afirma.

Tratábase unha vez máis dunha convocatoria en concorrencia non competitiva; neste caso abríase o prazo ás 12:00 horas e fumos os primeiros en tramitala, xa que o noso expediente é o primeiro, indo de camiño para Fitur e a pesares de que a sede electrónica non funcionaba correctamente”, lembra a alcaldesa de Trabada.

Con esta subvención que conseguiu o goberno municipal, levarase a cabo a reparación de fendas e aplicarase morteiro de cemento M-5 con acabado superficial rugoso, reforzado con malla de fibra de vidrio texida, con impregnación de PVC.

Posteriormente, en toda a fachada aplicarase un revestimento elástico impermeabilizante incoloro, a base de siloxanos en disolventes orgánicos, e finalmente o revestimiento final con pintura plástica impermeable en dúas cores, adaptando a tonalidade e a intensidade á “Guía de cor e materiais de Galicia, para a zona de A Mariña e o baixo Eo para edificacións construídas ata 1960”, ao igual que fíxose na antiga escola de Trabada, na Cámara Agraria ou na escola de Vilapercide.

Por outra banda, “lamentamos a falta de lealdade institucional por parte da Xunta de Galicia, posto que os representantes do Partido Popular de Trabada facíanse eco nas redes sociais desta axuda concedida ao Concello e desde ese momento a Xunta tardou máis de dúas semanas en notificar a súa concesión ao Concello”, engade García Bermúdez.

“Unha vez máis vemos como o goberno da Xunta de Galicia está ao servicio do PP, en vez de ó servizo dos galegos e das galegas, porque con este comportamento demostran que no respectan nin as intitucións nin os seus veciños”, remata a alcaldesa.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...