InicioOrientalTrabadaO PSOE de Trabada reclama á Xunta a vacinación de persoas maiores...

O PSOE de Trabada reclama á Xunta a vacinación de persoas maiores de 80 anos contra a covid no centro de saúde

O pleno municipal aprobou hoxe unha moción presentada polo PSOE para reclamar á Xunta o cambio da estratexia de vacinación, que supón un importante trastorno e custo para as persoas maiores.

Publicada o

- Advertisement -

O Grupo Municipal Socialista de Trabada reclama ao Sergas que administre a cuarta dose da vacina da COVID-19 ás persoas maiores de 80 anos nos centros de saúde ou nos puntos de atención continuada (PACS) de referencia.

O pleno municipal aprobou hoxe unha moción presentada polo PSOE para reclamar á Xunta o cambio da estratexia de vacinación, que supón un importante trastorno e custo para as persoas maiores.

O Servizo Galego de Saúde (Sergas) decidiu centralizar o subministro da cuarta dose da vacina da COVID-19 para maiores de 85 anos no HULA, no Hospital da Mariña e no Hospital Comarcal de Monforte. Esta situación difire da estratexia doutras campañas de vacinación, onde as persoas maiores acudiron ao seu centro de saúde e PAC de referencia.

“Agora, obrígase aos nosos maiores a realizar un longo desprazamento de ida e volta para poder vacinarse. Isto supón un trastorno innecesario para os maiores e as súas familias, que os deben acompañar a recibir á vacina. Ademais, a Xunta implanta na práctica un copago aos nosos maiores para poder recibir a vacina, xa que teñen que pagar do seu peto o custe do desprazamento”, sinala Mayra García Bermúdez.

A alcaldesa socialista engade que esta medida “é un novo castigo da Xunta de Galicia ó noso rural porque afasta dos veciños e veciñas un servizo público básico, dificultándolles gravemente o acceso a unha prestación á que teñen dereito de maneira totalmente gratuíta e lamenta que o PP de Trabada non apoiara esta moción decindo que calquera veciño pode desprazarse, o que denota a súa falta de coñecemento da realidade de moitas veciñas e veciños maiores que viven sós, que non teñen vehículo propio e que dependen doutras persoas para desprazarse”.

Neste sentido, o grupo municipal socialista sinala a problemática da situación nun municipio “que é eminentemente rural e que conta cunha poboación cun alto grao de dispersión e de envellecemento”.

Deste modo, “trasladaremos as nosas reivindicacións á consellería de Sanidade da Xunta de Galicia, para que considere o trastorno e o gasto que supón a súa estratexia de vacinación para as persoas maiores e as familias”, remata Mayra García Bermúdez.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...