InicioPolíticaNoelia Ben terá dedicación parcial por asumir as áreas de muller, igualdade...

Noelia Ben terá dedicación parcial por asumir as áreas de muller, igualdade e servizos sociais en Burela

A edil de medio ambiente asume as carteiras da actual deputada parlamentaria Patricia Otero

Publicada o

- Advertisement -

O pleno de Burela deste xoves abordará unha modificación dos recoñecementos de dedicación parcialNoelia María Ben asumirá as carteiras que deixou Patricia Otero, logo de tomar posesión como deputada no Parlamento de Galicia e renunciar aos seus cargos.

Ben, edil de medio ambiente, asumirá tamén as áreas de muller, igualdade e servizos sociais durante os meses de febreiro, marzo, abril e maio, e percibirá a dedicación parcial -dotada con 14.000 euros anuais– asignada a Otero.

“É merecedora desta compensación dado todo o traballo que implica”, expón o alcalde, o socialista Alfredo Llano.

ORZAMENTOS

O Concello levará de novo este xoves ao pleno os orzamentos municipais de 2019, aprobados en solitario no pasado mes de decembro e aos que o Partido Popular burelés alegou ao entender “que incumpren o Plan Estratéxico de Subvencións (PES)”.

O equipo de goberno rexeitou a alegación presentada polo PP. O alcalde, o socialista Alfredo Llano, asegurou que “a única intención” dos conservadores “foi retrasar a aplicación dos presupostos deste ano, poñendo pegas ao PES do Concello”.

O rexedor sinala que “nós tiñamos ese plan cuantificado para o período 2017-2019 unha cantidade determinada. Facemos unha previsión de gasto, pero non implica necesariamente que teñamos que facelo así. Non crea nin dereitos nin obrigas. Eles saben que non tiñan razóns para solicitar a modificación, pero aínda así fixérono”, lamenta Llano.

COMUNICACIÓNS PREVIAS DE OBRAS

Llano explica que tamén se levará á sesión plenaria “a aprobación inicial da derogación da ordenanza reguladora sobre comunicacións previas de obras e actividades.

“No anterior pleno aprobamos a nova ordenanza e agora o que toca é derogar a antiga, para que xa sexa de aplicación a aprobada recentemente e á que non se presentaron alegacións”, conclúe.

PEDIATRÍA

PSOE e BNG presentaron unha moción conxunto para esixir que se garanta a atención pediátrica na comarca.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...