EFE. O concelleiro do Partido Popular en Viveiro Jaime de Olano perfílase como posible cabeza de listaxe do PP pola provincia de Lugo na candidatura ao Congreso dos Deputados.
Fontes do PP lucense precisan que a figura de Jaime de Olano “non deixou de medrar” no PP desde que asumiu o liderado da formación política conservadora Pablo Casado, a quen o político viveirense apoiou no seu ascenso ao poder durante o proceso de primarias.
De feito, na última lexislatura tomou máis responsabilidades dentro do PP no Congreso dos Deputados, como voceiro de orzamentos e portavoz adxunto do grupo popular.
BARREIRO, AO SENADO
Mentres, José Manuel Barreiro é o nome que volve soar como primeiro na listaxe na do Senado.
As mesmas fontes lembran que foi voceiro no grupo conservador no Senado nun momento no que a formación política, que daquela comandaba Mariano Rajoy, quixo darlle “moita importancia” á Cámara Alta, na que contaba con maioría.
Posteriormente, coa chegada de Casado, pasou á viceportavocía do grupo, pero mantense como membro da deputación permanente do Senado. O propio Barreiro confesou a EFE que se sente “con ánimo” e con “forza” para seguir traballando na Cámara Alta.
