Nunha semana na que o alcalde de Foz, Javier Castiñeira, anunciou que faría achegamentos aos grupos políticos do municipio para tentar sacar adiante os orzamentos para 2018, o grupo municipal do BNG desmárcase do PP e reitera o seu rexeitamento ás contas públicas.
Os orzamentos “non presentan ningunha solución para os grandes temas que afectan á veciñanza e demostran a falta de sensibilidade social con aqueles que máis precisan das administracións públicas”, argumentou a voceira do BNG focego, Lorena Seivane, que engade que os presupostos olvidan “ducias de propostas aprobadas polo pleno municipal ao longo do 2017”.
A xuízo dos nacionalistas, “estamos diante dunhas contas falseadas, con moitas actuacións que non serían executables e que rematarían por engordar a débeda. Un exemplo”, expón Seivane, “é a partida de ingresos, engordada en preto dun 100% co obxectivo de garantir a nivelación orzamentaria, cando é de sobra coñecido que unha boa parte dos ingresos son imposibles de recadar por ter prescrito os seus prazos legais”.
“CHANTAXE”
“Non imos tolerar que o alcalde chantaxee aos veciños de Foz e que tente culpar da súa incapacidade aos grupos da oposición”, conclúe Seivane.
