InicioPolíticaO PSOE de Lourenzá ficha para a candidatura a Javier Huertas, presidente...

O PSOE de Lourenzá ficha para a candidatura a Javier Huertas, presidente da Acial

A alcaldesa, Rocío López, seguirá á fronte da listaxe dos socialistas, na que o voceiro do goberno Manuel Arango "irá nos primeiros postos"

Publicada o

- Advertisement -

O presidente da Asociación de Comerciantes, Industriais e Autónomos de Lourenzá (Acial), Javier Huertas, formará parte da candidatura do PSOE para as próximas eleccións municipais, que liderará a alcaldesa, Rocío López.

Así o anunciou este venres a rexedora socialista, trala celebración da asemblea na que foi aprobada por aclamación a listaxe electoral presentada.

López afirmou que o voceiro do equipo de goberno, Manuel Arango, “aparece nos primeiros postos de dita candidatura”. Segundo expuxo a rexedora, o PSOE informará “nos vindeiros días” das persoas que integran a listaxe.

López mostrouse moi satisfeita de que Huertas aceptara formar parte da candidatura que os socialistas laurentinos presentarán aos próximos comicios locais.

“Imos presentar un equipo moi forte e cohesionado que representa o conxunto da sociedade de Lourenzá e co que queremos seguir impulsando uns servizos públicos de calidade”, remarcou.

“HONESTIDADE”

Pola súa banda, Huertas subliñou que “empezo unha nova etapa na que decidín ofrecer parte do meu tempo a Lourenzá e na que teño a confianza de que, ao igual que noutras etapas da miña vida, conseguirei manterme firme nas miñas conviccións e honestidade co obxectivo de mellorar o concello”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...