InicioPolíticaO PP afirma que o PSOE de Foz "debe 4.719 euros" de...

O PP afirma que o PSOE de Foz “debe 4.719 euros” de auga, lixo e saneamento do seu local

Os conservadores piden aos socialistas que aclaren se o espazo "está dado de alta a nome do partido"

Publicada o

- Advertisement -

O Partido Popular (PP) de Foz asegura que os socialistas focegos “deben ao Concello 4.719 euros de auga, lixo e saneamento” do local no que está a sede do PSdeG-PSOE.

secretario do PP focego, Juan Rivas Nécega, solicita “ao PSOE de Foz que aclare as débedas de auga, lixo e saneamento co Concello de Foz e coa propia empresa concesionaria. Chegou aos nosos oídos que o local non está dado de alta a nome do partido socialista nin de outra persoa relacionada ou responsable deste partido; e, o que é peor, acumula unha débeda que está prexudicando ao anterior inquilino, cando xa pasaron máis de vinte anos desde que deixou dito local”, expuxo.

O Partido Popular pregúntalle ao PSOE de Foz se “é certo que en vinte anos non regularizou o contrato” e como pretendía cumprir coa súa obriga de pagar os servizos de auga, lixo e saneamento.

“DESAUTORIZADOS”

“Cremos que este feito é unha proba máis da falta de decoro e abuso do partido socialista local nestes últimos anos, pois se na súa propia casa non cumpren cos veciños de Foz están totalmente desautorizados para xestionar ningún só euro dos servizos públicos do noso Concello”, indica. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...