InicioPolíticaO valadourense César Mogo (PSOE) accede ao Senado

O valadourense César Mogo (PSOE) accede ao Senado

O PP suma tres actas da Cámara baixa na provincia de Lugo por unha dos socialistas

Publicada o

- Advertisement -

O socialista César Mogo (O Valadouro, 1960) será o único senador da Mariña Lucense na vindeira lexislatura. Tras obter 62.183 votos, é o único representante do PSOE en Lugo que accederá á Cámara alta, despois de que o PP se fixese cos outros tres postos en xogo na provincia.

Licenciado en Ciencias Políticas e Socioloxía, Mogo formou parte dos equipos electorais nas etapas de Felipe González, José Luis Rodríguez Zapatero e Pedro Sánchez. Participou no grupo que preparou a moción de censura contra Mariano Rajoy e ostentou, entre outras responsabilidades, a Dirección de Asuntos Institucionais do Gabinete da Presidencia do Goberno.

José Manuel Barreiro (Lugo, 1957) volve obter a súa acta no Senado, onde exerceu como voceiro do PP desde 2011 ata 2018, cando foi relevado por Ignacio Cosidó. Quitou 68.790 apoios (35,72%).

Rosa Arza (Quiroga, 1988), nova senadora, é a presidenta de Novas Xeracións na provincia de Lugo. Finalmente, Manuel Lorenzo Varela (Chantada, 1950), alcalde chantadino coa iniciativa Independentes do Asma, logra acta como senador tras volver ao PP este ano, tras deixalo en 2007. Recibiu o respaldo de 65.584 electores.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...