O partido independente Por Viveiro anunciou este xoves que lanza unha campaña de microcréditos para financiar a súa carreira electoral ás eleccións municipais do vindeiro 26 de maio.
A formación, que encabeza Bernardo Fraga, explica que aposta por este modelo de financiamento “claro e transparente” porque, argumenta, “malia que sería máis sinxelo solicitar un crédito dunha entidade bancaria para sufragar os gastos, queremos que Por Viveiro sexa de todos, libre e aberto a aquelas persoas que queiran colaborar con nós”.
Fraga expón que o importe íntegro dos microcréditos será devolto, “nun prazo máximo de doce meses” desde os comicios locais, “unha vez cobradas as correspondentes subvencións”.
INFORMACIÓN
O partido independente informa a todos aqueles que desexen colaborar co financiamento da campaña electoral no enderezo electrónico xviveiro@gmail.com. As bases tamén están expostas no Facebook e no Instagram da formación.
