InicioPolíticaTrabada crea unha concellería de Patrimonio e aproba unha dedicación parcial para...

Trabada crea unha concellería de Patrimonio e aproba unha dedicación parcial para a tenente de alcalde

Rosa Pérez levará a nova área, mentres que Julia Barcia, que percibirá unha retribución de 21.000 euros por un 50% da xornada, asumirá Educación, Igualdade e Desenvolvemento Local

Publicada o

- Advertisement -

Trabada celebrou este mércores o pleno organizativo deste mandato, no que se aprobou por unanimidade a creación dunha nova concellería, a de Patrimonio, e unha dedicación parcial para a tenente de alcalde, Julia María Barcia.

Segundo a estruturación do goberno local aprobada na sesión plenaria, a alcaldesa de Trabada, a socialista Mayra García, levará as áreas de Economía, Emprego, Servicios Sociais, Infraestruturas e Urbanismo. Non terá dedicación parcial nin exclusiva, dado que percibirá un soldo por traballo a tempo completo -53.613,14 euros brutos anuais- como deputada provincial, levando as áreas económica e de Facenda no executivo da Deputación.

A tenente de Alcaldesa, Julia María Barcia, ocuparase das delegacións de Educación, Igualdade e Desenvolvemento Local. Terá recoñecida unha dedicación parcial co 50% da xornada, cunha retribución anual bruta de 21.000 euros.

Guadalupe Rego será a responsable de Cultura. Suevia Reimonde ostentará as competencias en Turismo, mentres que Rubén García Freije continuará a cargo de Deporte. Pablo González Lastra será o concelleiro de Medio Rural.

Finalmente, o goberno de Trabada crea unha nova área, a de Patrimonio, da que se encargará Rosa María Pérez, coa finalidade de “darlle pulo e promocionar a nosa riqueza de recursos históricos e naturais”, expón a rexedora.

A estrutura de goberno e a distribución das concellerías “tratan de responder con rigurosidade ás necesidades da veciñanza de Trabada e acadar un desenvolvemento social e económico xusto e igualitario aproveitando os nosos propios recursos e potencialidades”, asegura García.

No tocante á dedicación parcial aprobada, García Bermúdez argumenta que Barcia “ten demostrada a súa entrega por e para os veciños de Trabada no anterior mandato e queremos responder a esa confianza que depositaron en nós os trabadenses con, se cabe, máis traballo e dedicación”.

As asistencias a órganos colexiados serán de 70 euros, e os plenos celebraranse ás 14.00 horas, cunha periodicidade bimensual, no segundo mércores hábil dos meses impares.

MUSEO ETNOGRÁFICO

No tocante ao Patrimonio, o Concello de Trabada busca financiamento para a musealización do museo etnográfico que prevé ubicar na antiga escola.

García indica que a Xunta de Galicia non aceptou a solicitude dunha axuda para realizar esta tarefa, a única pendente dado que o edificio xa está rehabilitado e dado que o Concello conta coa maior parte do material etnográfico que planea expoñer.

PUNTO DE ATENCIÓN Á INFANCIA

A alcaldesa tamén levou a pleno a proposta de aprobación inicial da ordenanza reguladora do prezo público pola prestación do servizo de Punto de Atención á Infancia, que “pretendemos poñer en marcha no vindeiro curso escolar, un servicio que entendemos prioritario para fixar familias no noso Concello”, concluíu.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...