Compromiso por Galicia (CxG) celebrou o pasado sábado o seu terceiro Congreso Ordinario, no que acordou que o cervense Juan Carlos Piñeiro Docampo –que presentou a única candidatura– continuará como secretario xeral do partido durante os vindeiros tres anos, e tamén solicitar “ás forzas políticas galegas con centro de decisión” na comunidade “o inicio urxente de conversas para conformar unha lista unitaria ás eleccións xerais”.
O partido, que se define como “galeguista, progresista e europeísta” e aprobou no encontro os textos políticos que marcarán o camiño da formación no período 2019-2022, sumouse á petición que lanzou o pasado día 21 o voceiro de En Marea, Luís Villares.
ALCOA E O BREXIT, PREOCUPACIÓNS
No tocante á situación das empresas electrointensivas, como Alcoa, CxG propón que “todas as administracións, tamén os concellos afectados, constitúan unha mesa de diálogo con axentes sociais e empresas para acadar unha solución”.
A solicitude de inclusión de CxG como membro de pleno dereito do Partido Demócrata Europeo, EDP/PDE, e a petición á Xunta de Galicia de que explore o diálogo bilateral con Escocia ante “o panorama desolador” do Brexit “para a flota pesqueira galega” son outras das dúas propostas.
RUBAL (FOZ), NA EXECUTIVA NACIONAL
No tocante á Comisión Executiva Nacional de CxG, pendente das áreas de xestión, estará formada polos seguintes membros:
- Xoán Manuel Vázquez García (Lito) (Oza-Cesuras)
- José Luís Calo González (Ames)
- Andrés Núñez Rajoy (Pontevedra)
- Daniel Lago Leirós (Vigo)
- Óscar Casais Montemuiño (Ribeira)
- Xavier Vázquez García (Monterroso)
- Xosé Luís Rubal García (Foz)
- Amparo Fernández Reboredo (Lalín)
- Paula Rey Gómez (Carballo)
- Estela Rodríguez Mosquera (Vigo)
- Montse Almozara Cordeiro (Santa Comba)
- Pilar Barreira Limia (Coles)
- Milagros Corral Surribas (Amoeiro)
- Eva María Rosende Domínguez (Teo)