O Bloque Nacionalista Galego (BNG) estreou hoxe sede en Burela. O partido nacionalista quere que a sede sexa non só un punto de encontro e traballo da organización, senón tamén un espazo aberto para que os distintos colectivos presenten as súas propostas ou queixas. A oficina está situada na Avenida de Arcadio Pardiñas, 80, entrechán.
Asistiron á inauguración da sede a deputada do BNG no Parlamento Galego, Olalla Rodil, a responsable comarcal do partido, Ana Ermida, e o portavoz municipal dos nacionalistas en Burela, Mario Pillado.
PREGUNTAS SOBRE PEDIATRÍA
Ademais, o BNG presentou iniciativa para dotar ao Centro de Saúde de Burela do servizo de fisioterapia e formulará distintas preguntas en relación á situación da pediatría nos centros de saúde de Burela, Cervo, Xove, e Valadouro.
