O Partido Popular de Burela asegurou que nos primeiros nove meses do 2018 multiplicouse “por 3,5” o recadado o ano anterior en multas de tráfico no municipio.
Os populares indican a cantidade ingresada no 2017 por estas sancións ascendeu a 13.765 euros, polos 64.530 acumulados ata o 25 de setembro.
Así, o grupo municipal burelés critica unha suba do “342%” con respecto ao 2017. Esta cifra demostra, segundo os populares, que “o alcalde quere recadar a base de multas de tráfico”.
“POLÍTICAS NON SENSATAS”
O PP local afirma que “as políticas de ordenación de tráfico dos socialistas, nada equilibradas nin sensatas, pasan polas sancións e por desoír as demandas dos veciños, como ocorreu coa supresión dos pasos de peóns e zonas de carga e descarga en Arcadio Pardiñas”.
