O Parlamento de Galicia aprobou por unanimidade dos grupos unha petición á Xunta de “aposta decidida, real e efectiva” pola vía de alta capacidade Costa Norte, de San Cibrao a Ferrol.
En concreto, a iniciativa, que saíu adiante na comisión de ordenación territorial, partiu do PSdeG e contou co apoio de BNG e PP tras engadir unha emenda dos populares.
Esta aposta pola mencionada vía de alta capacidade solicítaa “levando a cabo, en diálogo e consenso cos concellos polos que transcorre esta infraestrutura, todas as accións precisas para terminala no menor tempo posible”.
Xunto a esta reclamación, o texto acordado tamén demanda á Xunta que se dirixa ao Goberno central “para que execute, no menor prazo de tempo posible”, a autovía da Mariña, a A-74