InicioPolíticaSon Viveiro pide explicacións ao Concello sobre unha suposta apropiación do paseo...

Son Viveiro pide explicacións ao Concello sobre unha suposta apropiación do paseo marítimo por parte do hotel Urban

A coalición de esquerda acusa ao goberno municipal de eludir responsabilidades ante un "abuso ou mala praxe" por parte da empresa

Publicada o

- Advertisement -

Son Viveiro pide explicacións ao goberno local ao entender que “ocultou a verdade” sobre a súa responsabilidade nunha suposta apropiación do espazo público por parte do Hotel Urban.

A coalición de esquerda denunciou no pleno un “abuso ou mala praxe” por parte da empresa en relación ao espazo público na zona do paseo marítimo.

MODIFICACIÓNS

Son Viveiro expón que o Hotel “rebaixou o arcén, realizou sinais horizontais indicando a entrada e saída de vehículos ao hotel e eliminou a zona de carga e descarga que existía”.

Luis Manuel García Otero, o voceiro do partido, asegura que a resposta do goberno local foi “atribuírlle a responsabilidade a Costas”.

PREGUNTA NO CONGRESO

Así, Son Viveiro realizou, a través de En Marea, unha pregunta no Congreso dos Deputados sobre esta cuestión.

O deputado de En Marea Miguel Anxo Fernán-Vello solicitou ao Goberno que delimitase quen ten as competencias nese ámbito e permitiu estas actuacións, “xa que o Concello de Viveiro lava as mans e traslada ao Ministerio de Medio Ambiente”.

Na súa resposta, o Goberno sinala que “os rebaixes da acera e o resto de sinalización, corresponden ao ámbito físico suscrito polo Concello”, así como “a área denominada de check-in”.

O Excutivo central conclúe que “non existe apropiación do espazo público na área por parte do hotel”, pois as modificacións realizadas “atópanse no ámbito da concesión”.

“OCULTOUSE A VERDADE”

García Otero pregunta ao goberno local por que “ocultou a verdade” e insta á alcaldesa de Viveiro, a socialista María Loureiro, a que “dea explicacións de se é verdade isto que di Costas e por que non se nos explicou antes”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...