InicioPolíticaO alcalde urxe a que se axilicen os informes sobre a nova...

O alcalde urxe a que se axilicen os informes sobre a nova Edar de Burela

O rexedor burelés reuniuse cos técnicos de Augas de Galicia que elaboran o anteproxecto da obra, pendente das autorizacións de Medio Ambiente, Portos e Costas

Publicada o

- Advertisement -

Os técnicos de Augas de Galicia estiveron en Burela para definir o proxecto de construción da nova Edar, que se ubicará nun terreo duns 3.500 metros cadrados fronte ao club náutico.

O alcalde, Alfredo Llano, mantivo un encontro con persoal do organismo autonómico, encargado de establecer os parámetros aos que deberá axustarse a estación depuradora, no que se “analizaron os avances que se están dando na elaboración do anteproxecto”.

INFORMES PENDENTES

O alcalde precisou que o anteproxecto está pendente de recibir o informe de Medio Ambiente e máis as autorizacions de Portos de Galicia, titular dos terreos, e de Costas de Galicia, que tamén debe informar sobre a nova construción.

Llano explicou que o vindeiro paso do concello será reunirse cos responsables destes dous organismos para avanzar na tramitación dos permisos necesarios. O encontro podería celebrarse “nas dúas vindeiras semanas” en Santiago de Compostela.

O REXEDOR agarda reunirse con responsables de Portos e Costas para avanzar na tramitación dos permisos

“Unha vez que teñamos esas autorizacións, os técnicos procurarán ter o anteproxecto rematado para licitar a obra o antes posible”, sinalou Llano, sen estimar prazos.

A NOVA DEPURADORA, “MOI NECESARIA”

O rexedor insistiu en que a construción da Edar é “importantísima” e “moi necesaria” para Burela. Segundo explicou, as novas instalacións incorporarán un método de tratamento biolóxico, adaptado á normativa europea, “máis efectivo” e que precisa “menos mantemento”

Ademais, engadiu, contará con “instalacións complementarias para un tratamento efectivo da auga que evite inundacións como as que está habendo”.

Sobre as características e a da nova planta, na que se investirán nove millóns de euros, comentou que se baralla a proposta de que as instalacións queden completamente cubertas, “como un edificio”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...