InicioPolíticaO BNG recolle sinaturas na Pontenova para pedir medidas urxentes en Atención...

O BNG recolle sinaturas na Pontenova para pedir medidas urxentes en Atención Primaria

O portavoz local do BNG da Pontenova, Xosé Luis Gutiérrez, participou na recollida de sinaturas e anunciou que proseguirán nos vindeiros días con esta iniciativa. “Desde A Pontenova temos que apoiar esta ILP para que chegue ao Parlamento e o PP teña que rectificar a súa política de desmantelamento da sanidade pública”.

Publicada o

- Advertisement -

O BNG proseguíu durante o pasado domingo día 11 de setembro, coa campaña de recollida de sinaturas en apoio á ILP sobre medidas urxentes para a Atención Primaria que promoven colectivos sociais como SOS Sanidade Pública ou a Plataforma en Defensa da Sanidade Pública da Mariña.

Os nacionalistas explicaron nunha nota de prensa que “a sanidade pública de todo o país está a pasar por un dos peores momentos con múltiples problemas tanto na atención hospitalaria, coma na atención primaria”. Acusan da situación ás políticas sanitarias do PP “que levaron a esta situación que se fai notar dun xeito moi acusado na nosa comarca e na Pontenova, un concello de 2.200 habitantes que ao longo deste verán tiveron serios problemas no Centro de Saúde”.

O portavoz local do BNG da Pontenova, Xosé Luis Gutiérrez, participou na recollida de sinaturas e anunciou que proseguirán nos vindeiros días con esta iniciativa. “Desde A Pontenova temos que apoiar esta ILP para que chegue ao Parlamento e o PP teña que rectificar a súa política de desmantelamento da sanidade pública”, afirmou Gutiérrez.

A recollida de sinaturas seguirá o próximo xoves 15 desde as 11:00. O BNG estará tamén no mercado de Mondoñedo co mesmo propósito.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...