O tradicional Concerto de Nadal da Escola Municipal de Música O Pallarego celebrarase este venres 23 de decembro ás 20:30 horas, no Auditorio Pascual Veiga de Mondoñedo. Nesta ocasión, será un concerto moi especial xa que con el péchanse os actos conmemorativos do 25 aniversario que a escola está a celebrar ao longo deste ano 2022.

Agardase que asistan personalidades de diferentes institucións e anteriores rexidores municipais. Contarase tamén coa participación de alumnado que ao longo destes anos pasou pola escola. A entrada será de balde.