O pasado día 23 de decembro tivo lugar a Xunta de Goberno Local na que se aprobaban as bolsas e axudas ao estudo para o curso 2022/2023, concedidas e financiadas integramente polo Concello de Xove.
O número total de axudas concedidas foi de 74, ascendendo o gasto total a 26.737,90.-€.
Como todos os anos, as bolsas se diferencian en varias modalidades:
-Modalidade de estudos universitarios, na que se concederon un total de 12.172,10.-€.
-Modalidade de ciclos formativos que non existan na comarca, concedido un total de 4.105,80.-€.
-Modalidade para alumnos/as con discapacidade, cuxa contía ascendeu a 4.500,00.-€.
-Modalidade para compra de material (infantil, primaria, eso, bach e ciclos), cun total de 5.460,00.-€.
-Axuda concedida para a modalidade de máster, que ascendeu a 500,00.-€.
MAÑÁS ACTIVAS
O pasado 27 de decembro as concelleiras de Xuventude, Ana Abad e Cristina Iglesias, fixeron entrega duns agasallos ao equipo de voluntariado que participou durante os meses de xullo e agosto no programa “Mañás Activas” da Xunta de Galicia. Con este acto, dende o Concello, queren celebrar este día e expresar o recoñecemento e admiración que “nos merecen todas as persoas voluntarias que participan cada ano con nós, e a todos os voluntarios en xeral”.
