O BNG de Foz denuncia que o pasado 24 de decembro a Consellería de Sanidade deixou sen cobertura médica aos veciños da localidade.

O BNG de Foz sinala que diante das protestas e denuncias efectuadas ante o SERGAS, este organismo “amósase nervioso e improvisa”. Por outra parte, os nacionalistas avisaran da posibilidade de que este sábado 31 de decembro tamén houbese ausencia de facultativos no centro de saúde, punto que confirman desde a organización.

Por outra parte, acusan ao PP de tapar “a súa impericia e neglixencia” coa “invención dunha quenda de media xornada, sen anuncio  público e sen coñecer o horario desta prestación”.

Desde o BNG de Foz reclaman que os servizos sanitarios públicos deben ser completos e diarios e con dotación completa de persoal.