Os refachos de vento alcanzaron este sábado os 119 quilómetros por hora en zonas da Mariña lucense. Así, na estación de Meteogalicia de O Penedo do Galo, na localidade lucense de Viveiro, rexistráronse ventos de 119,4 km/h, mentres que na Pontenova superáronse o 117,5 km/h.
Na provincia da Coruña o vento tamén se deixou sentir, especialmente no municipio de Cedeira, onde na estación de Punta Candieira rexistráronse refachos de case 110 km/h; ou en Vimianzo, con ventos superiores ao 100 km/h.
En canto ás choivas, as maiores precipitacións acumuláronse na localidade coruñesa de Lousame, con 26,7 litros por metro cadrado. Meteogalicia mantén activo un aviso amarelo por ventos superiores aos 80 quilómetros por hora na Mariña lucense e na Montaña de Lugo, así como por vento no mar no Noroeste da Coruña e tamén na Mariña lucense.
