O condutor do vehículo sinistrado no accidente no que perderon a vida o pasado 1 de abril catro mozos, no municipio lucense de Xove, permanece en estado grave na UCI do Hospital Universitario Lucus Augusti (HULA) de Lugo, tal e como confirmaron este luns fontes sanitarias consultadas por Europa Press.
Mentres, o Xulgado de Instrución número 2 de Viveiro, en funcións de garda, abriu dilixencias a pasada semana e autorizou a remisión de mostras de sangue tomadas ao condutor do vehículo a un laboratorio para realizar as probas de alcol e drogas.
O director da Dirección Xeral de Tráfico (DXT), Pere Navarro, confirmou que só dous do seis ocupantes levaban o cinto de seguridade posto, respecto diso do que matizou que un saíu “ileso” e outro faleceu.
