A residencia de maiores de Ribadeo fixo dous anos. Un aniversario que empanou o pasado ano a Covid, pero non este ano, a pesar de que a pandemia aínda non remitiu. Neste segundo aniversario houbo distintas actividades e unha comidas dos usuarios.
O alcalde de Ribadeo, Fernando Suárez Barcia, celebrou este aniversario. “Funciona moi ben e é un orgullo para todo Ribadeo, despois de oito anos de traballo e empeño para facelo realidade”, destacou.
Suárez Barcia lembrou tamén que “agora toca facerlle fronte a outros desafíos nos que estamos metidos, como a mellora e reforma do Hospital Asilo“. Neste sentido, o alcalde espera “que a Xunta de Galicia redima as súas penas e decida apoiar intensamente esta nobre actuación”.