O Centro sociocultural de Alfoz acolleu o venres 21 de decembro o obradoiro “Muller e saúde”, organizado en colaboración coa Escola galega de saúde e impartido por Cristina Ouro Núñez, matrona do Hospital Universitario Lucus Augusti.

Durante a sesión facilitou información sobre os cambios evolutivos na muller e sobre estratexias imprescindibles para previr enfermidades propias do colectivo feminino.

Por unha parte, ofreceu recomendacións adecuadas para promover a súa saúde física e emocional e para manter uns hábitos de vida saudables (especialmente ter unha alimentación equilibrada e realizar exercicio físico de forma regular).

Por outra, incidiu na importancia de realizar os controis periódicos de saúde que se recomendan segundo a súa idade, algo que resulta fundamental para a detección precoz de enfermidades (revisións xinecolóxicas, cribado de cancro de mama, etc.).