A Dirección Xeral de Emerxencias e Interior da Vicepresidencia Segunda dá Xunta activou para este sábado a alerta laranxa na Mariña de Lugo, con ventos que poderán alcanzar o 100 km/h.
Así mesmo, segundo informou a Axencia Estatal de Meteoroloxía (Aemet), esperan nivel amarelo para as provincias da Coruña, Pontevedra e a zona central de Lugo, que tamén se verán afectadas por fortes refachos de vento que poderán chegar ao 90 km/h.
Tamén alertaron dun aumento de intensidade da choiva, a partir do mediodía, nas áreas da Coruña e Pontevedra, con precipitacións acumuladas de ata 50 milímetros en 12 horas e picos de 15 milímetros nunha hora.
Con todo isto, a Dirección Xeral de Emerxencias e Interior, a través do Centro Integrado de Atención ás Emerxencias 112 Galicia, recomendou tomar precaucións e informarse do estado das estradas especialmente nos concellos das provincias afectadas.
