Esta é a misiva que o bispo de Mondoñedo publica hoxe para animar aos seus feligreses a participar nas eleccións municipais do vindeiro maio.

A PARTICIPACIÓN POLÍTICA

Escrito do bispo diocesano con motivo das próximas eleccións municipais de maio de 2023 Mondoñedo-Ferrol, 7 de marzo de 2023 Nun escrito anterior convocábavos a implicarnos na construción do ben común. Sen dúbida que esta é unha tarefa permanente de todos, e en todas as facetas da existencia, pero alcanza na participación política a forma máis xenuína. A política ten sentido precisamente na procura e construción do ben común por encima do ben particular e do interese xeral.

Reflexionaba entón sobre o que me parece hoxe un drama do noso tempo, como é a abdicación nesta procura do ben común. Manifestaba que esta é quizais una das razóns explicativas e descritivas do que nos sucede culturalmente. O individualismo liberal está a desvincularnos, animado tamén polo “progresismo cultural”.

Os cristiáns estamos chamados nesta situación a ser ?sal e luz?, fermento de nova humanidade. E paréceme fermoso que reflexionemos respecto diso cando quedan uns poucos meses para ser convocados para as eleccións municipais, un espazo especialmente próximo, importante e querido para todos. O ámbito municipal é onde se desenvolve moita da nosa vida cotiá, aínda que moitas das súas decisións veñen condicionadas por outros centros de poder máis afastados. E, con todo, segue sendo un espazo privilexiado para a participación e o compromiso polo ben común.

Ao longo deste ano que estou convosco puiden saudar a moitos dos alcaldes concelleiros que viven este compromiso político. Creo que é de xustiza, ao finalizar o mandato,
agradecer a súa tarefa e o seu labor ao longo deste tempo que sempre é de servizo á cidadanía. Sen dúbida, nas súas decisións equivocáronse, pero é preciso recoñecer o positivo do realizado. Fronte a xuízos xerais de carácter despectivo, fago miñas as palabras de hai uns anos dos bispos españois: ?Impera na nosa sociedade un xuízo negativo contra toda actividade pública e aínda contra quen a ela se dedican. Nós queremos subliñar aquí a nobreza e dignidade moral do compromiso social e político e as grandes posibilidades que ofrece para crecer na fe e na caridade, na esperanza e na fortaleza, no desprendemento e na xenerosidade; cando o compromiso social ou político é vivido con verdadeiro espírito cristián, convértese nunha dura escola de perfección e nun esixente exercicio das virtudes. A dedicación á vida política debe ser recoñecida como unha das máis altas posibilidades morais e profesionais do home? (Católicos na Vida Pública 63).

Por iso, nestes momentos onde se van configurando as listas electorais e onde se deben de facer os programas electorais, é bo que reflexionemos e animemos ao compromiso e a
participación política, tamén e fundamentalmente dos cristiáns presentes na nosa diocese. Unha participación que é plural e diversa, en función das capacidades e aptitudes,
que adquire moitas formas e compromisos, pero que nunca é opcional. O que sucede nos polis, na cidade, comprométenos a todos. Aos laicos corresponde precisamente, polo
seu bautismo, este campo máis específico da transformación temporal do noso mundo.

E dentro das formas de participación, temos que lembrar que a vocación política é unha forma xenuína do exercicio da caridade, é unha forma de amar. Desde o exercicio da
participación política temos a capacidade de empuxar na construción dunha sociedade máis xusta que faga presente o Reino de Deus. Desta maneira facemos realidade o noso compromiso polos máis pobres e vulnerables; polos valores que edifican e constrúen sociedade, como son a xustiza, a verdade e a liberdade; polos ideais que se sustentan no ensino social, como son a dignidade da persoa, a solidariedade, o destino universal dos bens, a participación? Sempre serán estes os criterios que sustenten o noso discernimiento e compromiso.

Certamente que nos atopamos con moitos problemas que xuntos habemos de afrontar como sociedade nestas terras do norte de Galicia: a interculturalidad, a inclusión social de todos, o traballo digno, a defensa da familia, o coidado e a atención dos maiores, as infraestruturas que permitan un desenvolvemento sustentable, o despoboamento e envellecemento do medio rural, o coidado do medio ambiente? Sen dúbida que son retos que terán que ser afrontados coa participación de todos. Oxalá que os próximos meses, que serán de debates e encontros, axúdennos a coñecer mellor a realidade e a discernir camiños compartidos, a amar máis á nosa terra e a implicarnos por ela, a cultivar unha auténtica e activa cidadanía…

Afastémonos de enfrontamentos e divisións. Todos somos necesarios e é posible bregar xuntos a mesma dirección. Tamén a Igrexa e os cristiáns habemos de participar de forma activa e creativa. E, sen dúbida, co apoio e acompañamento de toda a comunidade.

O voso irmán e amigo.