A actual voceira e secretaria do PSOE de Barreiros, Carmen Veiga, repetirá como candidata á alcaldía polo partido socialista tras ser elixida por aclamación pola militancia socialista.

Veiga, que traballa en Ribadeo como peón de limpeza, asegurou que “imos confeccionar un equipo que reflicta as inquedanzas de toda a socidade de Barreiros e faremos un proxecto no que primarán as persoas sobre os intereses partidistas”.

“Estamos ante un momento de moita responsabilidade. Hai gañas de cambio e así nolo transmiten os veciños. Queremos que Barreiros volva estar onde merece e que se fale das nosas praias e da nosa xente”, explicou Veiga.

A candidata que tivo o respaldo na presentación da súa candidatura do secretario xeral dos socialistas en Lugo, Álvaro Santos; do Presidente da Deputación, Darío Campos; e da Deputada no Congreso, Pilar Cancela.