A asociación Amigos de Ceferino e o PSdeG-PSOE de Foz celebrarán o vindeiro xoves, ás 16.00 horas, unha ofrenda floral na Punta do Cabo con motivo do sexto cabodano do dirixente socialista Ceferino Díaz.

Neste lugar, coñecido como Prado de Ramos, na contorna da praia da Rapadoira, foron esparcidas parte das cinzas do economista e político do Saviñao.

Díaz, de corrente galeguista, comezou a visitar Foz coa súa familia desde o ano 1986, e tanto a agrupación como o partido socialista focego resaltan que a súa presenza no goberno tripartito da Xunta de Galicia significou a consecución de varios proxectos para o municipio.

ACTO ABERTO

Os organizadores do acto convidan a asistir a quen desexe lembrar a figura de Díaz.